Ég...

...er einhversstaðar í erfðaröðinni til Írsku krúnunnar. Spurning hvað Beta drottning myndi segja ef ég færi suðreftir og krefðist kórónu til að ríkja yfir þeim rauðhærðu. Þannig er mál með vexti að ég er afkomandi Kjarvals Írakonungs. Rafarta Kjarvalsdóttir (810) og Eyvindur "Austmaður" Bjarnason (810) eignuðust Helga "magra" árið 835 og eftirleikinn þekkja allir. 1141 ári síðar fæddist ég.
Meðal þekktra milliliða (afar og ömmur) millum mín og Kjarvals má nefna Eirík Sveinbjörnsson, riddara og hirðstjóra (1277-1342), Björn Jórsalafara (1350-1415), Guðbrand Þorláksson, biskup (1541-1627), Benedikt Pálsson, bartskera (1608-1664) og Hallgrímur Tómasson, kaupmann (1877-1932).

Fyrir þá sem vilja hafa hlutina á hreinu þá er Kjarval langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-langa-afi minn (30 x)

Þennan Edgar Æþeling þekki ég hins vegar ekki neitt en ég bíð eftir að einhver hringi í mig og reddi þessu með Írsku krúnuna.

Leitað að réttmætum erfingja bresku krúnunnar

Ófarafögnuður...

...er líklega ekki til í orðabók en var það fyrsta sem mér datt í hug þegar ég las Dagskrána í síðustu viku. Ég hef stundum lesið pistla leynipenna sem kallar sig Játvarður í þessu blaði. Pistlarnir eru misjafnir en stundum ágætir.
Í síðustu viku skyggnist Játvarður inn í framtíðina þar sem hann flaggar spádómsgáfu sinni. Eitthvað er nú Játvarður svartsýnn á komandi ár en nákvæmur spádómur hans er ótrúlega hrottalegur og engum er hlíft.

4) Eldsvoði verður á bæ í Vestur Skaftafellssýslu, ekkert manntjón verður.
15) Sitjandi þingmaður í Suðurkjördæmi hættir á þingi vegna veikinda.
21) Rekstur Selfossbíós verður erfiður og verður bíóinu lokað í lok ársins.
25) Stórt brugg og fíkniefnamál kemst upp í nágrenni Selfoss. Margir verða handteknir.
29) Nokkrir af bílum Vegagerðarinnar skemmast í umferðaróhappi - engin slys á fólki.

Þetta er svona greitest hits upptalning úr pistli sem ég hélt fyrst að ætti að vera á léttu nótunum, en ég get ekki ímyndað mér að mörgum stökkvi bros yfir þessu - til dæmis rekstraraðilum Selfossbíós.

Spádómur dullans.tk: Prentsmiðja Suðurlands mun brenna til grunna í eldsvoða á miðju árinu - margir fá alvarlega reykeitrun. Í alvöru... myndi einhver setja eitthvað svona í áramótaspá?

Þess má geta að skoðanir Játvarðs (sem á reyndar að skrifa Játvarðar) þurfa ekki að fara saman við skoðanir útgefenda blaðsins. Þrátt fyrir allt er það samt ritstjórinn, Magnús Hlynur, sem ber ábyrgð á þessum "ófarafögnuði".

Góða...

...ferð með strætó!

Strætisvagn og fólksbifreið skullu saman á Sæbraut

Eitthvað...

...hafa þeir verið ósáttir við áramótabrennuna á Eyrarbakka og ákveðið að bæta um betur.

Eldur í timburgámi á Eyrarbakka

Til...

...hamingju með afmælið Davíð. Systir mín hlustaði á þig fyrir 25 árum... (VÁ!)

David Bowie fagnar stórafmæli í dag

Búinn...

...að setja nokkur David Bowie lög inn á tónlistarspilarann. Eigum við ekki bara að segja að hann sé músíkant mánaðarins hérna á dritinu. Gat bara ómögulega valið sex uppáhalds lögin mín þannig að ég fókusaði mest á glamrokk árin hans og þrjú af lögunum eru af meistaraverkinu um hann Sigurð Stjörnuryk. Hef líklega mest hlustað á Bowielögin frá 1969 til 1973. Síðan er þarna líka Ashes to Ashes af Scary Monsters sem kom út í kringum '80. Þar er annað gott skeið hjá honum.

Veit ekki af hverju ég datt allt í einu inn í Bowie. Hef ekkert verið að hlusta á hann alla ævi þó að eitthvað hafi örugglega síast inn í gegnum hurðina á herberginu hans Einars bróður á menntaskólaárum hans. (Vá, er langt síðan). Ég held að ég hafi ekkert byrjað að pæla sérstaklega í Bowie fyrr en uppúr '97 þegar platan Earthling kom út. Ég er samt ekkert að fíla nýja efnið hans sérstaklega. Hef alveg nóg með að fara í gegnum ferilinn hans frá upphafi enda eru plöturnar orðnar eitthvað í kringum þrjátíu.

Annars er Space Oddity besta lag í heimi. Bara að láta ykkur vita. Mjói hvíti hertoginn rúles!

Leiðinda...

...slabb og vitleysa búin að vera á heiðinni síðustu daga. Löggan á vettvangi sagði mér að litlu hefði mátt muna að bílarnir lentu framan á hvor öðrum. Þá hefði væntanlega ekki þurft að spyrja að leikslokum. Slys á fólki hefðu verið mun meiri. Þetta getur munað einhverjum sekúndubrotum.

Móðir mín sagði mér alltaf að passa mig á hinum bílunum. Maður veit aldrei hvað bíllinn sem kemur á móti manni ætlar að gera.

Tvöfaldaðu Hellisheiði, Sturla!

Engan sakaði í hörðum árekstri á Hellisheiði

Hvet...

...alla til að lesa fréttina hér að neðan og fara svo inn á www.frostid.is og kaupa eitt stykki.

Leggur sitt af mörkum

Hafiði...

...pælt í því að ef Peter Crouch (a.k.a. Mr. Robato) færi til Juventus eða Newcastle eins og rætt er um, þá yrði bara ein rönd á búningnum hans...

Annars vona ég að spóaleggurinn fari ekki neitt. Hann er (marka)hæstur Liverpoolmanna og það væri fásinna að láta markakónginn frá sér. Annars er það alveg rétt að Liverpool vantar 20 marka mann í deildinni. Kuyt er markahæstur þar með 7 mörk, sem er frekar slappt.

YNWA eða YMCA?

Juventus með augastað á Crouch?

Bjarni...

...Harðar er byrjaður að blogga á Moggabloggi. Skárra væri það nú að þingmannsefnið léti ekki í sér heyra á öldum netvakans. Kíkið á kallinn og kommentið, www.bjarnihardar.blog.is . Kannski að maður verði bara ráðherrabílstjóri eftir alltsaman... nja... hann myndi líklega ráða Þórð í Sandvík...

Síðan ætlaði ég bara að minna ykkur á að fara inn á www.frostid.is og kaupa eitt stykki smáskífu til styrktar Nóna Sæ og fjölskyldu. Kostar ekki mikið og málefnið er gott.

Já...

...við dundum okkur við ýmsa skemmtilega hluti hérna á Selfossi.

Kveikt í skotköku inni í bíl

Pæliði...

...í því hvað tíminn er afstæður. Annars er það bara gleðilegt ár til ykkar allra með von um sprengjuóð áramót!

Árið 2007 gengið í garð í Ástralíu

Það...

...eru nú margir sem hafa átt eitthvað sökótt við Blönduóslögregluna í gegnum tíðina.

Skotið á bifreið lögreglumanns á Blönduósi

Án...

...þess að hafa kynnt mér nokkuð hvað málið er þá finnst mér ákaflega heimskulegt að brunavarnir séu ekki í lagi hjá Eymundi. Staðnum var lokað í nóvember vegna vanbúinna brunavarna og skömmu áður hafði skólaball verið blásið af á sömu forsendum með litlum fyrirvara. Er þá skynsamlegt að gera bara ekkert í málunum og auglýsa síðan áramótaball? Hvernig væri að lagfæra brunavarnirnar?

Annars er morguninn búinn að vera frekar þreytandi. Dýrleif Nanna vildi ekki fara að sofa fyrr en um fjögurleytið í nótt, eftir stanslausan grát sem líklega hefur stafað af tanntöku. Við fórum allavega upp á spítala í morgun þar sem Maríanna sagði okkur (á ísldönsku) að roðinn væri farinn úr eyrunum og líklega væru þetta bara nýjar tennur. Þurftum að bíða uppi á sjúkrahúsi í rúma tvo tíma og biðum samt örugglega ekki lengst af öllum. Finnst fólki þetta ásættanleg heilbrigðisþjónusta?

Já, ég er frekar grumpy í dag og vona að það lagist því í kvöld eru bæði tipparapartí hjá Árborg og jólapartí hjá Sunnlenska. Ég þarf að vera á báðum stöðum á sama tíma.

Hrós dagsins: Bónus á Selfossi er með stelpur í vinnu við að raða í poka hjá fólki. Troðfull búð, langar raðir og þetta flýtir fyrir. Ég man ekki eftir að hafa séð þetta síðan í Kaupfélagi Árnesinga 1988.

Fá ekki leyfi fyrir áramótadansleik í Ölfushöllinni

Þrátt...

 
...fyrir að ég virði algjörlega þá niðurstöðu dómaranna þarna fyrir sunnan þá er ég eitthvað tvístígandi yfir þessari aftöku. Og þá kannski aftökum almennt. Er dauðarefsing endilega málið? Ég er ekki viss um það. Spurning reyndar hvað væri hægt að láta Saddam dunda sér við ef hann yrði ekki hengdur. Kannski gæti hann unnið sem sturtuvörður og sápari í einhverju negrafangelsi.

Var einmitt að velta fyrir mér refsingum hér á landi um daginn. Er ekki bara málið að dæma morðingja, dópsala, nauðgara og kynferðisafbrotamenn í ævilangt fangelsi? Og þá er ég að meina ævilangt... ekki einhver 16 ár sem eru köttuð niður í 8 ef menn hegða sér vel. Setja þessa gaura (og gaurur) í fangelsi til dauðadags með möguleika á reynslulausn sem metin er á 10 ára fresti ef fólk sýnir bót og betrun innan múranna?

Jæja, þetta eru svo sannarlega vangaveltur í anda jólanna.

Gengið frá öllum pappírum vegna aftöku Saddams