Gleðileg...

Fann...

...loksins smugu til að fara í klippingu áðan. Mér finnst þjónustulundin hjá rakarafeðgunum á Selfossi algjör snilld. Það er bara klippt og klippt þangað til síðasti maður er kominn út úr húsi. Enda laumaði ég bjórkippu með mér inn til að mýkja kallana aðeins og það hressti þá heldur betur við. Keypti mér síðan diskinn hans Gylfa Gísla á leiðinni út. Fín plata þar á ferðinni en leiðinlegt að maður heyrir hvað Gylfi er orðinn veikur. Röddin er ekki nærri því eins sterk og hún var hér áður fyrr. Ég gleymi því ekki þegar Gylfi söng "Áfram veginn..." í Brúarleikritinu fyrir einhverjum fimmtán árum. Þar var á ferðinni hetjutenór sem sló jafnvel orginalnum Sólon Íslandus við.

Og talandi um Brúarleikritið... Flóð, óttinn við þau hefur eitthvað eitthvað eitthvað. Margir bæir eru umflotnir, Krókur, Bár og Glóra... En kistlinum mínum týndi ég og það fannst mér nú verst. Kannski finnst hann þegar sjatnar... Þetta eru nokkrar eftirminnilegar línur (sem ég man ekki alveg) úr Brúarleikritinu þar sem flóðið 1889 kom mikið við sögu...

Mér fannst reyndar dáldið fúlt að vera "fastur í vinnu" á meðan þetta flóð var. Hefði frekar viljað skoppa um á árbakkanum með myndavél. Þetta er jú stærsta flóð í ánni á minni ævi. Kannski kemur það næsta þegar ég verð afgamall og verð þá einn af þessum "elstu menn muna" í útvarpsviðtali.

Þangað til næst; jólin!

Mér...

...finnst þessi mynd reyndar flottari hjá mér. En ég þyrfti að eiga þrífót og betri linsu. Kannski fæ ég mér svoleiðis í jólagjöf. Verst að ná ekki neinum aksjónmyndum, af sveittum lögreglumönnum að hlaupa á árbakkanum t.d.

Enn eitthvað í að vatn flæði inn í hús á Selfossi

Kíktum...

...á ána í nótt. Skemmtilegt að áin bæri eitthvað á sér þó að þetta kallist nú varla alvöru flóð. A.m.k. ekki miðað við flóðið '68 og þaðan af eldri flóð.

Rennsli Ölfusár fimm sinnum meira en menn eiga að venjast

Nú...

...er ég hættur í Framsóknarflokknum. Ég var að rúnta í höfuðborginni um daginn og varð það á að svína bíl á planinu við Hagkaup í Skeifunni. Maður á auðvitað ekki að svína bíla en slysin gerast. Ég steig auðvitað á bremsuna til að forða árekstri þrátt fyrir að vera á nánast engri ferð. Síðan lít ég á bílstjórann í hinum bílnum, brosi og veifa og geri allt til að afsaka mig með handapati. En fýlupokinn í bílnum sem ég svínaði hristi bara hausinn og fussaði og sveijaði. Þegar ég glenni upp augun sé ég að þetta var enginn annar en Steingrímur Hermannsson. Úr því að framsóknarmenn verða svona fúllyndir þegar þeir eru orðnir gamlir þá held ég að það sé best að forða sér úr flokknum sem fyrst. Maður á að brosa í umferðinni.
Reyndar var ég skráður í flokkinn án minnar vitundar og býst við að tóra í honum þangað til ég er búinn að koma Bjarna Harðar í 2. sætið á listanum fyrir næstu kosningar - og síðan inn á þing. En svo er það bara bless bless Framsókn, ég verð að segja það...

Egill...

...var handtekinn í Fjarskanistan um daginn. Þetta olli fjaðrafoki og drengurinn komst í fjölmiðlana hérlendis. Enda ekki á hverjum degi sem Selfyssingur er handtekinn á framandi stað... eða hvað?

Það er minna en ár síðan Egill var handtekinn síðast... Það var í Hveragerði, þar sem hann var að reyna að hjálpa veikum, gömlum manni við að finna Náttúruleysingjahælið... eða ekki. Kannski óhlýðnaðist hann laganna vörðum sem vildu ekki að hann tæki myndir af brennandi flugeldasölu.

Hér er Egill handtekinn í Hveragerði í fyrra. Mun tilþrifaminna en að vera snúinn niður í Fjarskanistan.

Úr...

...því að ég hafði lausa stund þá setti ég upp tónspilara og ætla að henda þar inn einhverjum af þeim lögum sem við erum að gefa út hjá Frost Music fyrir þessi jól. Það þarf auðvitað ekki að segja fólki hvaða plötur á að kaupa í jólapakkann...

Skrapp...

...út og fékk mér frískt loft í dag. Reikna með að fara í vinnuna á morgun.

Bílvelta á Eyrarbakkavegi

Já...

Which Trainspotting Character Are You?

Magnað...

...að þetta hittist svona á. Í gær var Jóhanna að búa til lista yfir uppáhalds myndirnar sínar. Ef ég hefði nennt að gera sambærilegan lista í gær þá hefði Cinema Paradiso verið í fyrsta sæti.

Alfredo úr Cinema Paradiso látinn

Þar...

...sem ég hef aldrei tíma til að blogga þá bendi ég á blogg móður minnar. HÉR má lesa um ævintýri í uppvexti mínum...

Frá...

...vettvangi í dag.

Ekið á karlmann á Eyrarbakka

Gleymdi...

...alltaf setja þessa frétt hérna inn. Mér finnst fyrirsögnin eitthvað svo dásamlega pervertísk.

Segir Færeyinga aftarlega á merinni í málefnum samkynhneigðra

Jóhanna...

...treystir á ykkur að kjósa sig! Hún sendi inn mynd í Veðurljósmyndasamkeppni Stöðvar 2
í sumar og nú er myndin komin í 30 mynda úrslit! Kúl!
Vægi netkosningar gildir 30% svo að hvert atkvæði skiptir máli.
Viljið þið vera svo góð að smella HÉR og kjósa myndina hennar Jóhönnu  
Hún skal kyssa ykkur öll á sitt hvora
kinnina ef þið gerið það

Þetta er myndin sem þið "eigið" að kjósa, ég með bumbuna út í loftið:

[MYNDIN ER DOTTIN ÚT AF NETINU, ENDA VANN HÚN EKKI]

Ég...

...hef allt annað að gera en að blogga þennan stutta tíma sem ég er heima á daginn.

Langaði samt að deila því með ykkur að ég er tortrygginn í garð örvhentra.

Witherspoon og Phillippe skilin að borði og sæng