Þorlákshöfn...

...halló Moggi. Grunnatriði í fjölmiðlafræði. Hvar?
Var það ekki í Þolló?

Karlmaður stunginn í handlegg

Dundaði...

...mér við það í kvöld að búa til nýtt lógó fyrir útgáfufyrirtækið sem ég vinn hjá, Sunnan 4 ehf. Ég tel að merkið sé móðins og tákni á skýran hátt hvað S4 stendur fyrir. Kannski að maður kaupi bara einkaréttinn á þessu...

Góða helgi!

Systir...

...mín stakk einu sinni dekki af dótabíl upp í nefið á sér. Það þurfti lækni til að ná því út aftur. Er það þá ekki einskonar nefhjól?

Laskað nefhjól tefur farþega Icelandair

Veiiiii....

...gleðilegt sumar!

Tímakaup...

...dekkjakalla er nokkuð gott. Fór með bílinn í umfelgun í dag og borgaði fyrir 5.100 krónur. Umfelgunin tók korter, þannig að dekkjakallinn er með 20.400 á tímann. Gefum okkur það að hann vinni átta tíma á dag, og sé þ.a.l. með 40 stunda vinnuviku þá er mánaðarkaupið hans rúmar 3,2 milljónir. En það er að sjálfsögðu fyrir skatt...  

Færri á nöglum - minna svifryk

Nánast...

...búinn að koma frá mér afkvæmi vikunnar og nú bíður ekkert nema sumarið!

Í kvöld stóð til að fara á langþráð stefnumót með Bjöllunni. Jói hringdi í mig í febrúar og pantaði mig á deit, sem er s.s. SSSól tónleikar í kvöld. Í gærmorgun hringdi hann síðan í mig og sagði mér að amma hans í Vestmannaeyjum hefði tekið upp á því að deyja, blessuð c minning hennar. Þannig að Jói þarf að fara í jarðarför í Vestmannaeyjum í fyrramálið og því verður ekkert stefnumót í kvöld.

Samhryggist þér, Jói minn.

Hvað haldiði annars með sumarið? Vætutíð? Góður heyfengur? Viðburðir?

Arrrggg...

...og urg...! Ef þið ýtið óvart á ctrl+R þá strokast allt sem þið hafið skrifað út úr glugganum. Af þeim sökum getiði ekki lesið þá tíu hluti sem ég gerði um helgina. Nenni ekki að skrifa það aftur. Vil þó taka tvennt fram:

1. Jóhanna eldar besta lambalæri sem ég hef komist í tæri við lengi. Ekki voru hvítlaukssmjörsteiktu sveppirnir lakari.

2. Erlingur sögukennari seldi hlutabréfin sín í Húsinu á Eyrarbakka og keypti hlut í Hamrahlíðarkórnum! Súrar draumfarir?

GK

Er...

...að horfa með öðru auganu (og eyranu) á Söngkeppni framhaldsskólanna. Það er ekki spurning hver var besti söngvari kvöldsins, en ólíklegt samt að FSu hreppi titilinn þar sem yfirleitt er um einhverja malbikspólitík að ræða... Við hér á mölinni megum okkur lítils en ég vona það allra besta fyrir hönd Sigrúnar Völu.

Hera Björk er eðlileg, en Helga Braga er í hæsta máta óeðlileg...

Haukakonur...

...áttu þetta skilið. Til hamingju með titilinn. Læt hér fylgja eina mynd sem ég tók í Hveragerði í vetur.

Haukar vörðu Íslandsmeistaratitilinn

Mér...

...hefur aldrei þótt svíar sérstaklega svalir.

Mikið að gera á morgun, fer í Vík í Mýrdal, Félagslund og Iðu. Ef allt gengur upp. Verðum í bandi.

Ótrúlega margir leikir í enska á morgun sem maður vill sjá.

Læsti dóttur sína inni í ísskáp

Er...

...að horfa á Ungfrú Ísland með öðru auganu... þessi Jóhanna Vala er að rústa keppninni...

*UPPFÆRT kl. 23:28* Jæja, hún varð í 2. sæti...
kannski hefur hún ekki viljað sænga hjá dómnefndinni...

Fór...

...til læknis í gær, sem er ekki í frásögur færandi. Er búinn að vera eitthvað slappur í lungunum síðan ég fékk lungnabólguna í desember. Hafði aldrei tíma til að leggjast almennilega í bælið og ná þessu úr mér. Ég er með eitthvað urg og surg í lungunum, sem kemur og fer, og ég hélt að ég væri kannski með einhvern asma...
En nei nei, læknirinn hlustaði mig og lét mig blása í einhverskonar púströr. Það er ekkert að mér - og ef það er eitthvað þá er það bara eitthvað dularfullt. Ég er semsagt bara aumingi með hor...

Púnkturinn með þessari sögu er að það pirrar mann að fara til læknis þegar ekkert er að manni...

Öll...

...á fætur nú! Ég held að ég hafi verið skotinn í henni þessari þegar ég var 12 ára. Ætli hún rauli ennþá Sólarsömbuna þegar vel liggur á henni.

Eiríkur Hauksson er þessa stundina að syngja um týndan Valentín á RÚV. Mér finnst að við ættum að flytja þetta lag á íslensku í Helsinki.

Býður sig fram í framkvæmdastjórn Samfylkingar

Fyndið...

...ég var einmitt að hugsa þetta eftir leiki gærdagsins, hvort Coleman yrði ekki látinn fara. Var samt tvístígandi yfir því vegna þess að:
a) Coleman er búinn að vera innanbúðar hjá Fulham í 10 ár = Fulham maður.
b) Coleman er toppnáungi og enginn stjóri hefur náð betri árangri með Fulham.
c) Það er stutt eftir af leiktíðinni og það gæti verið jafnvel meiri áhætta að skipta um gaffer.
d) Coleman er vel liðinn innan félagsins, sem og utan...

Hann verður örugglega kominn í fínt starf í haust. Spurning hvort hann taki ekki bara við Swansealiðinu í sinni heimaborg.

Coleman rekinn frá Fulham

Um...

...helgina afrekaði ég þessa tíu hluti (helgi talin frá fimmtudegi til mánudags).

1. Át naut á stöngli.
2. Bölvaði Moggablogginu.
3. Söng afmælissöng.
4. Hvatti mann til að fara út að hlaupa á netasokkabuxum einum klæða.
5. Hljóp á eftir manninum út í Nóatún (ég fullklæddur)
6. Gladdist yfir enska boltanum (án þess að horfa á leik)
7. Rataði í Grafarvoginum.
8. Las á málverk.
9. Vann (þó ekki í lottóinu)
10. Andaði að mér tjöruhreinsi.

Málsháttur þessa árs: Móðir refsar barni sínu, en kyssir það að jafnaði á eftir refsingunni. Sælgætisgerðin Góa með uppeldisfræðina á hreinu. Prófaði að Gúgla málsháttinn. Það skilaði engri niðurstöðu. Þetta er sjálfsagt eitthvað sem pólverjarnir semja á kaffistofunni.