Ég...

...þurfti að hringja í tvö ráðuneyti í dag. Fyrst hringdi ég í Dóms- og kirkjumálaráðuneytið þar sem allar línur voru uppteknar og símtöl afgreidd í réttri röð. Ég beið á línunni í rúmar 50 mínútur en símtalið tók samtals 53:13 mín. Strax á eftir hringdi ég í Umhverfisráðuneytið þar sem mér dauðbrá þegar ég fékk samstundis svar. Símtalið tók 1:19 mín.

Af þessu dreg ég þá ályktun að það sé minna að gera í umhverfisráðuneytinu.

Var...

...að horfa á brot af endursýningu af Laugardagslögunum. Er ekki verið að grínast með þessa álitsgjafa? Eru þau að reyna að vera leiðinleg? Glætan að þau fari að segja sínu réttu skoðun með höfundinn/söngvarann í sama herbergi. Það eru bara allir æðislegir og sleiktir upp. Meira að segja Erpur drullar ekki yfir neinn... þetta er rugl.

Vona að Íslendingar taki sig til og velji leiðinlegasta lagið... og hætti svo að hugsa um þessa keppni.

Bara...

...aðeins að tékka mig inn. Mikið að gera í vinnunni. Við Dýrleif erum ein heima í dag. Jólahlaðborð í kvöld...

Góðar stundir.

Það...

...er óhætt að fara að flokka þennan mann sem Íslandsvin. Annars hef ég aldrei skilið af hverju menn sem fá 2 1/2 árs fangelsi sitja ekki bara inni í 2 1/2 ár.

Gæsluvarðhald fellt úr gildi

Á...

...einhver smáskífuna Sjálfur með hljómsveitinni OFL?

Getur sá hinn sami lánað mér eintakið um helgina?

Ég...

...var búinn að gleyma að tékka á þessu (enda var ég sofandi þegar þetta var tekið)

http://www.mbl.is/mm/24stundir/bilar.html?bilar_id=17

Anyway... ég er með bumbu...

MONICA: Shut up! It's the camera, the camera adds 10 pounds.
CHANDLER: How many cameras were ON you?

Er...

...það bara ég eða eru aðrir að komast í jólaskap? Ég held að ég hafi aldrei hlakkað til jólanna svona snemma. Kannski er það af því að ég gat ekki notið þeirra neitt í fyrra...

Hvað eru Bí-frestingar? Jú, í auglýsingatíma RÚV var lesið í dag bí-frestingar, bí-frestingar... svo kom smá hik... afsakið, Bifrestingar, Bifrestingar. Þetta var s.s. auglýsinga fyrir hollvini háskólans á Bifröst. Haha... þulurinn gat heldur ekki annað en flissað...

Ástin mín á afmæli í dag og við fórum út að borða á Rauða í tilefni dagsins. Það var frábært.

Það var eitthvað meira... man það ekki...

Dýrleif...

...Nanna er búin að vera í miklu stuði um helgina.

Nýyrði...

...dagsins. Bráðvinsælt. Leikritið Óvitar hjá Leikfélagi Akureyrar er bráðvinsælt. (Skv. útvarpsauglýsingu.)

Google segir: Engin skjöl fundust með leitarstrengnum - bráðvinsælt

Var...

...að koma af upplestrarkvöldi á Sunnlenska bókakaffinu. Yfirskriftin var Glæpir og gamanmál. Þar var m.a. Þorsteinn B. Einarsson og kynnti hann bók sína, Morðið á Laugalæk. Bókin er yfirferð Þorsteins um rannsókn óupplýsts morðs á leigubílstjóra í Reykjavík árið 1968. Ég er virkilega spenntur fyrir því að lesa þessa bók.
Elín las síðan uppúr Harðskafa Arnaldar, sem er skyldulesning, og Bjarni las úr bók Þráins Bertelssonar, Englar dauðans. Eftir upplesturinn er ég staðráðinn í að lesa þá bók, en þótti hún svosem ekki spennandi fyrir.
Sjálfur las ég uppúr tveimur gamansögubókum og þó að sögurnar hafi verið misfyndnar þá voru undirtektir góðar - a.m.k. kurteislegar ;-) ...

Stundum...

Felmtri slegnir Selfyssingar þustu út á götu

...getur maður ekki annað en hlegið að vinnubrögðum blaðamanna visir.is. Rétt fyrir klukkan sjö í kvöld varð jarðskjálfti upp á fjóra á Richter utan við Seltjarnarnes. Samkvæmt Vísi þá var fólki á Selfossi mjög brugðið við þennan skjálfta og þusti út á götu...

Fréttina má lesa hér. Þetta verður ekki mikið fyndnara...

(Annars er bara stuð í vinnunni - hér hristist allt og skelfur)

Nú...

...þykist ég vera þokkalega staðkunnugur uppi í Hrepp. En hvar er Skeiðarvegur, norðan Flúða? Mamma?

Bíll fauk út af undir Ingólfsfjalli

Ástæðan...

...fyrir því að maður mætir á leiki í kvennakörfunni:


Nei, samt ekki. Þessir búningar eru nú ekki beint klæðilegir...

Hamarskonur mættu s.s. Keflavík í fyrradag þar sem þessar myndir eru teknar. Hamar laut í gras... eða öllu heldur gólfefni, þrátt fyrir góðan leik. Það er bara illmögulegt að stöðva þessar massatönuðu og helstrípuðu Keflavíkurstelpur. Man! Þær hljóta að æfa í ljósabekk! Minnti mig á grein sem EEM skrifaði einu sinni um að þegar Reykvíkingar fóru út á land að leita að hnakkabænum þá hafi þeir villst og endað á Selfossi. Auðvitað ætluðu þeir til Keflavíkur.

Hamar fær Grindavík í heimsókn á morgun, verður vonandi góð skemmtun. Ef menn vilja skella uppúr þá má setja sömu dómara á þennan leik og þann síðasta - þeir voru hlægilegir.

Hér að neðan eru fleiri myndir úr leiknum, svona í tilefni af degi íslenskrar tungu. Jónas frændi minn varð 200 ára í dag, en hann heldur ekki upp á afmælið fyrr en um næstu helgi.

Af...

...hverju eru gellurnar í CSI: Miami svona hot? Það er meira segja ein sem gæti verið systir Gittu Hau. Glætan að það séu svona hot gellur í tæknideild lögreglunnar.

Annars kemst CSI: Miami ekki í hálfkvisti við Grissom og félaga í Las Vegas. Það er ekki nóg að heita David Caruso, segja kúl frasa og setja upp sólgleraugu. (Og tala eins og Mr. Movievoice)

Ég...

...var að huxa. Um síðustu helgi var tveimur konum nauðgað í húsasundum í miðborg Reykjavíkur. Á meðan er lögreglan að handtaka þá sem pissa undir berum himni...

Er ekki eitthvað skakkt við þessa mynd?