Ótrúlega...

...ófagmannleg og bjánaleg umfjöllun um ölvunarakstur í Kastljósinu í kvöld. Fjallað var um málið eins og hvert annað léttmeti og dagskrárgerðarmennirnir voru bara léttir á því - brostu og hlógu að fyllirísrausinu í Freysa. Mér stökk ekki bros. Þetta var örugglega ekki sú forvörn sem þau lögðu upp með.

Freysi valdi það að gera sig að algjöru fífli frammi fyrir alþjóð (veit ekki hvort hann er það í raun). Hann var orðinn svo fullur að hann gat bara talað ensku, og þá átti að taka viðtal við hann í sófanum. Hann sat þar eins og hann væri þroskaheftur með Einar Guðmundsson, forvarnafulltrúa Sjóvá við hliðina á sér. Ótrúlegt að reynslubolti á forvarnasviði, eins og Einar er, skuli hafa tekið þátt í þessu gríni. Og Árni Friðleifsson... ég hef ekki séð hann svona hressan síðan Víkingar urðu Íslandsmeistarar í handbolta á sínum tíma...

Athugasemdir

[Josiha, 14.2.2007 kl. 01:19]

Ég flissaði reyndar að þessu en það er sko ekkert spauglegt við ölvunarakstur! Fannst bjánalega fjallað um jafn alvarlegt mál og þetta.

Kaldhæðnislegt að hann passaði sig alltaf á því að spenna beltin!

*ritskoðað* 

[Jón Steinar Ragnarsson, 14.2.2007 kl. 02:14]

Það er gott fyrir fólk að sjá sig í spegli annað slagið. Menn eyða stórfé um hverja helgi í að reyna að líkjast þroskaheftum sem mest. Halda sig þó vera klikkað kúl á því.

Umfjöllunin var léleg. Ég sá þetta myndband upp á dönsku í ökuskólanum þegar ég tók meiraprófið. Einhver hráefnisskortur þarna hjá  Kastljósvíkingum.

[Ólafur fannberg, 14.2.2007 kl. 02:23]

missti af þessu

[Birgir Þór Bragason, 14.2.2007 kl. 07:58]

Þetta var ömurlegt í alla staði. Það var líka merkilegt að svo virtist að hér væri verið að segja að það væri í lagi að aka eftir einn en ekki meira.

[Rúnarsdóttir, 14.2.2007 kl. 09:59]

Með því að hafa mörkin í 0,5 prómillum en ekki 0,0 prómillum er í raun verið að segja að það sé í lagi að aka eftir einn, right?

[Anna Sigga, 14.2.2007 kl. 13:42]

VANDRÆÐALEGT!!! Humm, þetta var hallærislegt á svo marga ólíka vegu.. Ekki var gaurinn að meina þetta? Plís segiði að hann hafi verið að reyna vera asnalegur???

[Karl Gauti Hjaltason, 14.2.2007 kl. 19:23]

  Talandi um, Guðmundur !

[Berglind , 14.2.2007 kl. 22:04]

Mikið er ég sammála þér Guðmundur. Mér fannst þetta bara hallærislegt!

kv.

BH

[GK, 15.2.2007 kl. 00:38]

Anna Sigga: Ég var einmitt að spá í hvort gaurinn hafi verið að grínast en hann var það örugglega ekki...

Góður punktur hjá IRB annars... nú get ég óhræddur drukkið tvo bjóra og ekið svo út í myrkrið...