Spurningakeppni...

...fjölmiðlanna er fastur liður um páskana. Ég hef gaman af öllum spurningaþáttum og þess vegna er ekki leiðinlegt að fá að taka þátt í þessum. Sunnlenska fréttablaðið mætti N4 í dag og laut í lægra haldi eftir bráðabana. Já, ég hafði ekki trú á því að Akureyringar gætu meikað það í bráðabana en þeir tóku okkur í lokin. Annars er nú gleðin í fyrirrúmi í þessari keppni, þó að keppnisskapið sé ekki skilið eftir heima. Hér er mynd af liðunum tveimur, rétt áður en við féllum úr leik...

... mér er það til efs að ég nenni að blogga mikið næstu daga (frekar en venjulega).
GLEÐILEGA PÁSKA!

Hérna...

...er einmitt mynd af rónni sem þeir halda. Heppilegt að hún er úr Ferrari.

Ferrariliðið heldur rónni

Fór...

...á PubQuiz á Krúsinni í kvöld og náði persónulega besta árangri mínum. Það var reyndar makkernum, Jóhönnu, að þakka. Við vorum hins vegar ekki nálægt sigri...

Eru...

...þeir nafnar?

http://www.mbl.is/mm/frettir/popup/mynd.html?imgid=449903;nid=1325131;path=/mm/frettir/fretta_mynd.html

Hamar...

...vann góðan sigur á Keflavík í kvöld í úrvalsdeildinni. Ég var búinn að lýsa því yfir fyrir leik að Hamar myndi vinna en fékk dræmar undirtektir. Hamar lifir enn í voninni að halda sæti sínu í deildinni. Þessir tveir áttu stórleik í kvöld, annar stærri en hinn reyndar.

Svo verð ég að birta þessa líka, Marvin er eitthvað svo innilega krúttlegur.

Fór...

...á kynningarfund um skýrslu Ræktar um tillögur í stefnumótun sveitarfélagsins í íþrótta- og tómstundamálum í Hótelinu í kvöld. Það sem helst bar til tíðinda var þetta:

20:00 Fundur settur
20:26 Kjartan Björns mætir
20:31 Bjössi rak mætir
21:35 Einar Björns mætir

Maður hlýtur að spyrja sig eftir þetta: Hvar voru Gísli og Björn Daði?

Fórum...

...á opnun sýningar Blaðaljósmyndarafélags Íslands á myndum ársins 2007 í gær. Ég á tvær myndir á sýningunni og er bara mjög ánægður með það, enda er þetta flottasta ljósmyndasýning ársins - og líklega sú vinsælasta. Sýningin er í Gerðarsafni í Kópavogi og þið ættuð að kíkja á hana.

Annars fór ég líka á HSK þing í Þorlákshöfn í gær og endaði daginn á vörutalningu í Bónus í Hveragerði. Þannig að þetta var langur dagur og ég var ekkert heima...

Það...

...er ekki svo oft sem Hamarskonur vinna leiki, en þegar þær gera það þá hoppa þær af gleði

Meðal...

...lystisemda blaðamannastéttarinnar er að geta verið á bjórþambi á miðjum þriðjudegi. Óformlegur blaðamannafundur í Ölvisholt-brugghúsi í vikunni þar sem Skjálfti, nýji sunnlenski bjórinn, var kynntur fyrir blaðamönnum. Magnús Hlynur vildi endilega að ég birti þessa mynd...

PS. Bjórinn er góður.

Þetta...

...eru svokallaðir Dallas stólar.

Dallas stólar á Jason Kidd

Hveragerði...

...er algjörlega týnt á landakorti íþróttadeildar RÚV. Í kvöldfréttunum var sagt að tveir leikir hafi farið fram í Iceland Express deild kvenna í dag. Ekkert var minnst á þriðja leikinn, Hamar-Grindavík. Þetta er aðra umferðina í röð sem sjónvarpið sleppir því að tilgreina leik í Hveragerði. Ekki það að Hamarsliðið þurfi eitthvað að vekja of mikla athygli á frammistöðu sinni, en þetta er auðvitað ekki sanngjörn meðferð. Og hvenær sáust sjónvarpsmyndavélar síðast í Hveragerði?

En jæja, hér er mynd úr leiknum. Þetta er Iva Milevoj, nýjasti leikmaður Hamars. Hún stóð sig ágætlega, eins og liðsfélagar hennar allir í dag. Þrátt fyrir það töpuðu þær naumlega, 79-82. Kæruleysi á lokakaflanum.

Ef...

...einhver dettur ofan í botnlausa holu á suðurpólnum, hvað verður þá um hann?

Pæling...

Skrapp...

...upp á Selfoss seinnipartinn og var síðan tæpa tvo tíma á leiðinni heim. Megninu af tímanum eyddi ég í sköflum á Kaldaðarnesveginum. Þakka Fjólu og félögum í björgunarfélaginu fyrir aðstoðina...

*UPPFÆRT* Kl. 02:09 Ég var að koma inn eftir að hafa dregið björgunarsveitina upp úr skafli. Drengirnir náðu að festa fína björgunarsveitarjeppann þegar þeir voru að skila Fjólu heim.

Það...

...snjóar!

Hvað...

...gerði ég í dag?

1. Fór í Egil Árnason, var þar í þrjú korter og fékk enga aðstoð. Jóhanna sagði að það væri af því að ég væri órakaður með húfu. Ætlum í annan leiðangur á föstudaginn og þá verð ég fínn í tauinu.

2. DNG hljóp á rúðu og rotaðist næstum því. Hélt hún væri að hlaupa út, en rúðan var svona hrein. Slapp ómeidd.

3. Fórum líka í Flísabúðina (slöpp þjónusta) og Harðviðarval (góð þjónusta)

4. Sá Geir Ólafs. Hann var með litaðar augabrúnir. Er hann karlmaður?

5. Hitti svilkonumína í fyrsta skipti. Loksins á ég svilkonu, þökk sé (fyrrum) getulausu mágum mínum.  (A.m.k. öðrum þeirra).

6. DNG fór á Subway í fyrsta skipti í dag. Hún líkist föður sínum æ meir.

7. Jóhanna sagði mér hvað ég ætti að skrifa í þessu bloggi. Ég er engan veginn að nenna þessu núna...