Ég...

...er frekar lélegur í að blogga á mánudögum og þriðjudögum vegna vinnu. Einhverra hluta vegna halda margir það að ef maður vinni við tölvu þá geti maður bara hangið á netinu allan daginn. Ég er einhvernveginn þannig innstilltur að þegar ég er að vinna, þá er ég að vinna. Kannski er ég bara skrýtinn.

Fór með bílinn í þjónustuskoðun og smurningu í dag. Kostaði sitt. Hefði líklega getað farið hálfa leiðina á Anfield fyrir peninginn. Vorkenndi reyndar Eyþóri Jóns (sem skveraði bílinn fyrir mig) því jómfrúrferðin hans á Anfield var um síðustu helgi á lélegan 0-0 leik gegn Birmingham.

Skrapp niður í Þorlákshöfn áðan til að mynda Humarvinnsluna. Hitti bara á einhverja Pólverja og þeir voru bara frekar hressir þó að það væri búið að segja þeim upp. Íslendingarnir voru ekki eins kátir.

Athugasemdir

[Helga R. Einarsdóttir, 27.9.2007 kl. 21:31]

Ég hef komið til Liverpool, en sá engan fótbolta og varð ekki fyrir vonbrigðu. Þar verður gaman að koma eftir tíu ár, það er verið að endurbyggja borgina eins og hún leggur sig. kv.

[Josiha, 27.9.2007 kl. 21:35]

Aumingja Eyþór kallinn

[Helga R. Einarsdóttir, 27.9.2007 kl. 21:36]

Ég gleymdi að vekja athygli á að ég veit hvar Anfield er, þess vegna nefndi ég Lifrapoll.  En veistu annars hvað "Liver" er Guðmundur? Ég held það sé einhver fugl. Alla vega er stytta af fugli á turni hússins sem heitir Liver - byggingin og nafnið á borginni er eitthvað tengd því. kv.

[Guðbjörg drithöfundur Helga,Sigurdórs og Helgu..., 27.9.2007 kl. 23:16]

Uppsögn í humri er pólverjum kær,

kannski í ruslinu lenda,

en íslendingarnir naga tær,

og Hjörleifi puttann senda....daaa

[Eiríkur Harðarson, 27.9.2007 kl. 23:49]

Þér kæri DULLARI ætti að verða ljóst eftir að hafa borgað þjónustuskoðunina, að það sem þú hafðir inni í haus þinnar síðu á undan þessu "lúkki" þýddi einmitt "Gvendi blöskrar þjónustuskoðunarreikningurinn."

[Einar Matthías Kristjánsson, 28.9.2007 kl. 00:50]

Helga - Liverbird er tákn Liverpool borgar og er þessi fiðurfénaður t.d. að finna í merki Liverpool liðsins http://www.liverpoolkits.com/liverbird.jpg

Ég var einhverntíma að spá í þessu og fann þetta um þennan dularfulla fugl 

Frekari vitneskju um Liverbird er svo alveg örugglega að finna hjá Erlingi Brynjólfs sögukennara!!!

p.s. og Gummi þó það tengist ekkert endilega tölvum þá ertu jú vissulega skrítinn ;) 

[Einar Matthías Kristjánsson, 28.9.2007 kl. 00:51]

LINKurinn klikkaði einhvað http://en.wikipedia.org/wiki/Liver_bird

[Helga R. Einarsdóttir, 28.9.2007 kl. 13:51]

  Babu, þetta grunaði mig, en mig langar frekar að vita hverskonar fugl þetta er, þekkjum við hann undir íslensku nafni? kv.  

[Guðbjörg drithöfundur Helga,Sigurdórs og Helgu..., 28.9.2007 kl. 17:12]

Liverbird er örugglega útdauð tegund.

Sýnist þetta vera eins konar dreki...annars er þetta í 1. skipti sem ég pæli í þessu kvikindi.

[GK, 28.9.2007 kl. 22:06]

HRE: Jamm, ég hef komið þangað þrisvar en aldrei skoðað borgina.

JSH: Vorkenni honum nú ekki mikið að vera annað borð á Anfield.

HRE: Liver er ábyggilega lifur. Liverbird er Lifrarfuglinn, fugl sem notaður var í merki borgarinnar á 14. öld. Líklega er þetta einhverskonar örn, en sú skilgreining en löngu týnd og gleymd. Kannski er þetta geirfugl.

GHS: Þessi er góð.

EH: Mér blöskrar nú ýmislegt fleira en reikningar á bílaverkstæði.

EMK: Sammála þér. Nema með skrítnina. Nema ég hef vanist því að skrifa skrítinn með ý-i og það er svo sannarlega skrítið.

EMK2: Góður linkur.

HRE2: Livrarfuglinn.

GHS: Þú ert útdauð. En merkið er fallegt.