Eins...

...og sjá má á myndinni þá lenti ég í því að þurfa að keyra í gegnum þetta veður sem var á heiðinni í morgun. "Lenti í því", segi ég og skrifa. Svo sannarlega fórnarlamb aðstæðna. Heiðin var galopin þegar ég lagði af stað í vinnuna í morgun og veðrið þar var frekar skítt. Þegar komið var í Svínahraunið fór veðrið að versna og ég hugsaði með mér hvern fjandann ég væri að keyra inní. Síðan snarversnaði veðrið á nokkrum mínútum og þegar ég var kominn að Litlu kaffistofunni var snarbrjálað rok og staurblinda. Ég ákvað því að haga akstri eftir aðstæðum, sem var uþb 10 km/klst meðalhraði. Þannig gat ég staulast niður af Sandskeiðinu og inn í suddann í Reykjavík. Það voru samt ekki allir sem gátu hagað akstri eftir aðstæðum í morgun, og eflaust hefðu einhverjir ekki átt að fara af stað á vanbúnum bílum... en Íslendingar láta ekki veðrið stjórna sér - þeir stjórna veðrinu.

Suðurlandsvegur opnaður að nýju

Athugasemdir

[Josiha, 20.3.2007 kl. 22:06]

Mmmmm....yndislegt veður!

[Guðbjörg drithöfundur Helga,Sigurdórs og Helgu..., 20.3.2007 kl. 22:09]

Love it!

[GK, 20.3.2007 kl. 22:18]

Ekki þegar þú ert á sendiferðarbíl... eða, jú :)

[Rúnarsdóttir, 20.3.2007 kl. 22:56]

Svona er veðrið einmitt alltaf á sunnudögum ef ég þarf að fara austur í fermingarveislu ... ALLTAF!

[Birgir Þór Bragason, 21.3.2007 kl. 22:13]

Ég er ánægður með þig Guðmundur á 10. Bara eftir aðstæðum og þá er þetta bara auðvelt.

[GK, 21.3.2007 kl. 22:28]

Tek það fram að 10 var meðalhraði. Ég fór örugglega alveg upp í 15 á köflum...